敷不完的mask

敷mask呢家嘢
對於女仔嚟講係永無止盡嘅
閒閒哋屋企十支八支梗有喺度
行過旺角銅鑼灣尖沙咀，一街都係莎莎卓悅又梗會買多兩支
最後咪又係放假嗰陣先敷佢百幾二百個鐘
再唔係就旅行嗰陣帶哂去，同班friend柴娃娃敷住映相
好似咁先至叫敷mask

男士敷mask真係買小見小
佢哋對面膜嘅知識淺薄到嚇死你！
基本上係佢哋對護膚嘅知識好似井底蛙咁
（我同路邊草都鬧過佢哋N次　詳情請按’較舊的文章’）
又或者十居其九都柄埋喺自己間房度敷
驚死俾阿爸阿媽知道會同佢脫離父子關係咁款

型男們
如果你哋本身有個靚樣就keep吓佢啦
男人唔keep老得仲快過女人
如果你哋本身自覺條件不佳的話
就更加要keep
你地唔想自己又少左件武器加嘛係咪？

根據非正式統計
一個皮膚滑溜乾淨嘅男仔　溝女成功指數係95%
當你睇女人外表嘅同時
我哋又何嘗唔係睇緊你先

市面上有好多適合懶到出汁嘅男士嘅保養品
我菠菜蓮極度推薦Sleeping Mask！
大多數嘅Sleeping Mask同普通Lotion一樣無色無味
搽左好似冇搽咁！
只要訓教之前搽勻全面，訓醒就會好似剝殼雞蛋咁！正呀！