隱「型」

我親愛嘅同學羅文朗先生

今日對我同路邊草發表左一系列對「型」嘅睇法

只可惜經我哋多番苦苦央求

佢都唔肯加入作家行列

唯有……我代勞吧啦！

longman話：隱形便是型！

相信……一定係講緊佢……

阿國王佢之所以型

除左佢嗰件今季最潮、全城至紅嘅隱形戰衣

將佢一身結實嘅線條、有力嘅肌肉展示出嚟之外

國王佢型就型在自信

呢個係每日型男必備嘅條件

lady gaga都係著衫又何嘗唔係標奇立異

大家咪又係覺得佢好「型」

你點諗我唔知，至少所謂嘅時裝界權威係咁講

gaga有、國王有而你同我冇嘅，就係嗰份自信！

有自信，隱形也是型！

longman你話我講得啱唔啱？

另外本身唔「型」嘅朋友

我會建議佢哋試吓唔著衫出街

橫掂你咁鍾意做埋哂啲懶「型」嘅行為

唔著衫博反彈效果更佳

又或者……唔該你直接隱形

唔好俾我見到你！

你又「型」左，呢個世界都會更「型」！