化妝定喬裝？

相信大家都已經睇到我化妝化到一獲粥咁既狼狽樣，今次真係醜死怪>.<大家唔好睇我平時好似不修篇幅咁樣，其實我由細到大都對化妝呢樣野好有興趣，事關唔理你係巴打定係絲士打，化妝前同埋化妝後既你足以有天壤之別，唔信既同大家玩個遊戲，睇下認得以下幾多個明星（答案喺最底）。

      首先係入門級：

（1）

（2）

（3）

跟住係進階級：

（4）

（5）

（6）

最後係阿媽見到都唔認得級：

（7）

（8）

（9）

係咪睇到O晒嘴呢？你睇完可能會話：「吓？咁嘅樣都做到明星？咁我都得得啦！」無錯，話之妳係樓下街市嘅菠菜蓮又好，路邊草又好，甚至乎乜鬼東瀛牛牛、月光男、瘋癲俠都好，只要你學識化妝，一樣可以做到明星！你睇旺角一條西洋菜街有幾多間「莎X」、「卓X」就知香港嘅女性係幾咁熱衷於化妝！睇黎我小kenken都唔可以執輸啦，要跟媽咪好好學下化妝先得。不過奉勸各位絲士打，化妝都要有個譜，如果唔係「化妝」變「喬裝」，好似佢咁比人笑到面黃就唔好啦！

（答案揭曉：（1）鄧麗欣（2）黃伊汶（3）林嘉欣（4）蕭亞軒（5）薜凱琪（6）林欣彤（7）劉嘉玲（8）鄭裕玲（9）朱茵）