著衫唔一定要花巧

著衫，可以好簡單。

上次講到型男要由內散發一種氣息，我個隻就叫陽光氣息，係較易做到既一種，你係會由心底展現出唔知邊度黎既自信。咁外型呢 ? 就需要配合喇。

 佢仲唔型??
呢種就係愈少衫就愈有自信喇。如果你上身有見得人既肌肉，你當然可以淨係著一條短褲係沙灘上打橫行。但可惜既係，你一年有幾多日可以俾你咁著先? 番工、番學、搭車、食飯... ....城市人，你真係諗住咁著?

所以，簡單啲，我今日就教大家平日點著得夠自信，大家可以從兩大方面入手。

一從顏色著手，記住兩個字：「SHARP醒」。
每個人都會有佢自己喜愛的顏色，但你最喜愛的顏色唔一定係最襯你。有人好中意黑色，唔單止全身，甚至連指甲都塗上黑色，你估Matrix咩，太深沉喇。
所以顏色要SHARP 醒，你要識得揀。咩係SHARP醒? 唔一定係鮮艷既顏色，簡單啲講可以話係較光亮個類，令人看起來精神奕奕。暖色系如橙、紅等。淺色系既都可以，如淺藍、淺黃等。如果覺得以上既顏色同你係格格不入既話，可以試下白色，百搭一定掂!

二係留意整體既配搭，又係兩個字：「簡單」。
唔花巧，唔拘謹，瀟洒個種就係喇。入面著件Tee Shirt，有無圖案都無所謂，下身著條運動褲或牛仔褲，不要太過緊身，舒適為主，再加一件Jacket，手袖要稍稍拉高，呢個係重點，因為咁先可以俾人一種活潑既感覺。
好似以下既例子咁：


呢種打扮，不需花太多心神諗要點著，可以令你節省時間。簡單、得體、充滿自信，讓人有種舒適感覺，不會令人覺得你有種高高在上，高不可攀既姿態，咁先可以吸引更多人目光嘛。