妝唔好亂化

睇到個題目唔好亂扣我帽子，我一向同眾位型男共同進退，只不過我對化妝呢個字有唔同嘅見解。最近我見到個小毒男上網學人化妝，哇靠，真係好難頂。佢咁聽媽咪話做乜？女人化妝好正常，亦都好好睇，男人化妝真係好唔得囉，正所謂牝雞司晨，做乜鬼踩過界先，所以各位男士係正常情況下唔好化妝出街。

        阿小KenXxx段片咁深入民心，我就咁講你地一定唔會比我說服到，我同你地分析下：

第一，要化妝先返工，1個鐘頭都少不免，一個星期化7次，即係每星期最少用5個鐘化妝，一年就1825個鐘，十年就18250個鐘，三十年就54750個鐘，我就當你咁好命50歲退休，喂大佬，即係你30年用左6年多D嘅時間化妝，比著我，我真係訓多半個鐘至一個鐘。

第二，化妝對於男人係唔係MUST HAVE先？

第三，就當你化妝化上手，唔洗1個鐘，我比你3分鐘化完，你嘅得益係唔係追得上投入先？係唔係可以變到木村咁先？與其係咁，不如將你嘅投資轉哂去其他方面，咁樣先可以有肉食，做到收支平衡，短時間內變成型男。

其實男人係兩個情況下係可以化妝嘅，呢兩個情況就係：

 

Yo！化妝洗乜驚呀！

另一個就係：

即係死人妝呀。

丫，仲有一個情況我唔記得講，就係：

就係練葵花寶典，正所謂欲練神功必先自宮。

若然你仲係想化妝出街，我再比多個正反辯證你，

        

林青霞係女人黎，佢化妝扮東方不敗一D反感都無，你仲會有股衝動希望令狐沖可以同佢起埋一齊，拿，各位男士身體係最誠實，唔好再化妝啦。

我絕對唔係老點大家，唔信的話儘管化個妝落樓下行一個圈。其實呢，如果用少少遮瑕膏真係無咩所謂，護下膚，Gel下頭仲好啦，各位男士，正常情況下，千奇唔好化妝呀！真係學吳君如話齋，唔好亂聽媽咪家姐講呀。