咁叫型!?唔係掛...

從來


也許！
外表真係相當重要，長得帥個子高四舊胸肌廿舊腹肌古銅膚色濃尾大眼，被稱為「靚仔」嘅男士，正如樣靚身裁正嘅女士，有傳言曰他們於人第一眼嘅感覺會良好點。（竟然亦有D學術研究為呢套觀念提供學術理論基礎）


也許！
有很多可能冇純正嘅美男外表，就唯有靠用一堆稱作型嘅打扮同衣著，十隻手指都戴上骷髏戒指啊、無端端褲上又鐵鍊又鋼線啊咁；
或者用一些動作與神態，搖身搖勢、藐咀藐舌，
意圖想效法陳某希、少年時嘅謝某鋒之類。


(大家老實說，大家唔係覺得呢類人型掛？)

誠然，實話跟你說，我從來，係從來都唔認為咁嘅樣有半點型嘅成分。

曾經

在遙遠嘅少年時代，我身邊較多呢類企圖透過上文懶型打扮嘅方法，去達致果種所謂型嘅形象。

曾經，我都有動搖過，諗呀好唔好學佢地咁呢，好似又真係幾型喎…
最終，我覺得，此型一時而已！


雖則！事實上，呢個社會各行各業各個階層，好多人都會好似上文咁作些懶型嘅打扮，(= =”其實可能仲唔係少數)。

始終

始終都係果句，型係發自內心，亦係帶儀容展現嘅。

講儀容先，
有好多人可能覺得光鮮企理唔好核核突突咁好，但我覺得咁係「容」，
仲有「儀」呢，其實唔一定係端端正正彬彬有禮咁先好，氣宇軒昂，
大有男兒本色者為最正！


我地班有位阿哥，我真心覺得佢型。
老實講佢唔大隻，看來眉清目秀，沒啥特別嘛，比甚麼古天樂張智霖還差得遠吧！
但總見其恤衫筆挺，沒有多餘的裝飾品與紡織品。
然而，英雄自有英雄氣。裝也裝不出、擋也擋不住。

再說，初入公大，當年有位講師，
目光深邃、瀟灑睿智，
舉手投足，仿有羽扇綸巾，
講台說理，雖然飽歷滄桑卻仍熱情奔放。

最後，如今，有位教授台上充滿自信，
時而和藹可親、時而慷慨激昂，
年歲雖高，但宏志仍存，
身軀疲累，仍衝勁十足。

意志啊！氣魄啊！