洗面的啟示

　　睇完下面咁多位巴打、絲士打發表洗面嘅高見，連我頭號女神沈佳宜都搬埋出黎（宜宜真係好q好靚女呀>3<），我先發覺原來自己係幾咁膚淺！可能自己頭髮比較長，加上天生懶惰嘅關係，所以除左沖涼同落雨果陣，基本上我塊面係滴水不沾嘅，而沖涼嘅時候亦都只係用番梘求其咁捽幾下塊面就算，勢估唔到原來呢樣野係咁有學問！難怪我成日覺得自己d面油多到可以比M記炸薯條，睇黎以後要叫媽咪幫我買定幾支洗面膏看下門口先得啦！

　　真係要多謝大家塞錢落我袋，你話我hard sell都係咁話：睇blog這短短嘅三十分鐘，算係今天我思緒最安穩嘅時間。「型男講座」係我今天看過最美好的東西，而大家毫不吝惜咁分享洗面嘅心得，係聽過最美好的聲音，原來人生覺得最簡單嘅事情，也未必係最易，因為最糟的，可能一直就在眼前而未曾發現，又或者根本就係自己塊面，我想我找到了洗面嘅答案。