痘皮老公

細個嗰陣……阿媽一定有同你講：
「食飯食乾淨啲呀！唔係第日嫁個痘皮老公呀吓！」
個人大個咗，先知道中伏！
事實上，香港嘅男仔對護膚完全冇概念
又喺邊度搵個白滑老公俾我嫁先得架？！！？？？！！！！！？？？

又或者有好多男士覺得，護膚＝乸型=gay
喂！廿一世紀喇大佬！
懶你就懶啦咁多藉口！

我知道唔可以用女仔嗰套護膚方法放喺男仔身上！
但係基本簡單嘅都好易做啫！都係嗰句：咪咁懶啦大佬！

男人當然唔一定要超級姿整！
但係乾乾淨淨個人都好過啲掛！
如果你一日裡面用超過十分鐘去擠暗瘡呀剩呀咁
點解你唔用五分鐘時間護理一吓你嘅皮膚呢？





男士護膚最緊要就係清潔、保濕、防曬！
好簡單啫！
每日幾分鐘，你就唔係痘皮老公！

相比起我地女士，又要洗面又要保濕又要美白仲要抗皺……
你哋做小好多嘢架喇！
咪懶啦！！！