瘋人便是型

Longman又說……「瘋人便是型」

嗯……佢好似話緊我……

不過我接受嘅，正所謂上帝要你滅亡，必先讓你瘋狂！

上帝要唔要我滅亡我唔知

但係我知道「我瘋故我在」！

周星馳又話我知「別人笑我太瘋癲，我笑他人看不穿」

「型」人嘅孤獨同寂寞，你又點會知道……
（that’s why you need to follow型男講座）

話說大家喺路邊草所剪嘅影片入面，
見到「型男」著住穿哂窿嗰啲衫……

係由我提供嘅！而供應商係我一個衣著標奇立異嘅朋友

平時我見佢著呢啲衫，「型」到抽筋！

但係「型男」同學一著，我笑到抽筋！

Do you know what is 衣不稱身？

「型」同「騎呢」有時都真係一線之差！

你以為好「型」嘅衫，著喺你個身度就硬係「騎呢」

件衫冇問題！你又冇問題！

問題就係風格喇！

喺香港，風格至百變嘅型男就梗係佢啦！

（嗰隻東瀛羊羊話木村拓哉好型嗰啲post　我見到就想挑挑挑挑挑挑爆佢！
國仇家恨呀羊兒！！！）

點解佢著咩衫都咁型？點解佢扮咩都咁型？

我覺得係因為冇對手！

你睇佢同期嗰啲係邊個先啦！

 根本冇得輸！

與此同時，哥哥仲要癲癲哋！（longman話「瘋人就是型」嘛）

又或者可以稱佢為敢作敢為，敢愛敢恨！乜都夠膽死！

阿媽話羅文都同張國榮一樣乜都夠膽死架！

對不起媽媽！張國榮有樣嘢係羅文冇、東瀛羊羊冇、太陽男冇、小kenken冇、唐天俠冇、佢冇佢冇佢都冇架！

係樣呀！！！

所以話呢……靚仔唔係大哂！

靚仔得黎仲要型就真係無敵！

可惜……香港只有一個張國榮……佢仲唔喺度喇