誰說洗面是女士的專利?

菠菜蓮講得好，哥哥張國榮既靚仔又有型，造型千變萬化，男又得，女又掂。無辦法丫，人地天生出黎就係明星相，嘩 ! 啲五官靚到佢丫。

的確，我地四大型男個樣雖然係無哥哥咁靚仔，但無樣就唔做得型男 ? 邊個話架 ? 淨係睇個樣就下判斷 ? 太膚淺喇。男士們，站起來 ! 行動啦 !

最近路邊草同呀菠菜蓮講起男士既面部護理。洗面，其實詳細係點我真係無路邊草佢咁熟喇，但我都知一個男仔即使天生唔係靚靚仔仔，最起碼都要乾乾淨淨，企企理理，都係個句，人地望落去會覺得舒服。唔好塊面一粒二粒咁，真係好核突架。

路邊草話用40度既溫水洗洗塊面先，等毛孔擴張，容易啲將污垢洗走。我平時洗面就唔會點用熱水，因為溫水易令到毛孔擴大，咁到時你塊面就好多「火山口」架喇，所以我都係用番凍水直接洗。凍水(即就咁開水龍頭個啲)會使皮膚收緊毛孔，有人話先用溫水洗，最後用埋凍水，「好似煮面咁過一過冷河，既可以徹底洗走污垢，又可以收緊番毛孔」，你有咁既時間洗兩次既就慢慢洗啦。

之後要點大家可以參考番路邊草佢既講法試下，但我要提醒大家兩點：

1.      係公眾場合做以上複雜既洗面工序時，請熟悉所有步驟。有人會係辦公室、學校或公眾洗手間內進行以上既洗面工序。唔該，請你係屋企熟悉哂所有步驟。打圈呀磨沙呀，唔好雞手鴨腳咁。

2.      洗面係有型男既洗面方式。今次要借東瀛羊羊既偶像——木村一用。佢洗面係我見咁多個男仔之中最型個位。去片先：

前面豬腩肉王子未洗面個衰樣見到都想打佢啦。留意下木村洗完面，個種瀟洒，自信，好似洗完就係白馬王子咁，咁先夠MAN呀!

洗面唔係女士既專利，係型男既眼中，甚麼都會變得型。