話說呢個農曆新年假期，我俾兩個字煩左我好耐！
一個就係親愛嘅郭教授俾落嘅功課，叫我析「仁」；
第二個就係呢個「型」字！
「仁」嘅解釋，相信可以喺孔慶東嘅新聞入面略知一二，
咁「型」呢？咩係「型」？？？
暫時冇一本參考書可以話到俾我知！
《說文解字》話：「鑄器之法也。从土刑聲。」
咁啫係點？同冇睇過係冇分別！
而家我讚人好型（又或者我俾人讚我好型ＸＤ），跟本就唔可以單喺字面度搵到解釋！
我又喺 iphone個英漢字典度search吓啦咁
就唔係話靚仔就大哂嘅！
更何況……又點先係靚仔先？
點先叫 fashionable先？
於是我嗰組有四條自稱係「型」嘅茂利，就話要用行動證明自己有幾「型」！
一個就毒男扮型男；
一個就以為自己係山下智久、木村拓哉；
又有件話自己係未來郭老；
仲有件話自己有咩陽光氣息、魅力沒法檔……
節省小小啦唔該！
乜「型」就係咁嘅咩？
我覺得「型」係應該與眾不同、獨一無二架囉！
嗰四件嘢求其喺旺角一個招牌「責」落黎都唔知死幾多件啦！
「型」你老鼠！！！
所以由細到大我都覺得全世界最「型」嗰個一定係我爸爸，
因為我得一個爸爸！一個人哋冇我有嘅爸爸！
你睇你睇，係咁咦一個人對「型」都已經有咁多唔同嘅睇法，
你叫我點落個定義俾佢先？！
懸紅一億！！！
求「型」之準確定義！！！
你定到我話你好嘢！！！
同場加映：蓮爸爸賀新歲<3
「型」這個字，看了說文解字也不懂，那就看說文解字詁林和湯可敬的說文解字今釋。
回覆刪除只是說文解字為東漢許慎所著，解字的內容只針對小篆為主的文字和一部份籀文，而且多是解釋戰國以後的字。因此，解字需找甲骨文字典，而說文解字中的字，必須與以甲骨文﹑金文作引證。「型」字，恐怕不是象形﹑指事，而是引申義。
不過，找到定義又如何?父親型是型，根本不須定義。
I buy your opinion!=D